اسلام آباد 26 جنوري (اے پي پي) د دفاع وزير خواجه محمد آصف وئيلي دي ټول پاكستانے قام كشميري حريت لارښود ياسين ملك او د هغه كورنۍ سره ولاړ دے، د پولې په بله غاړه كشميريانو ته به باور وركول وي چې پاكستاني وروڼه دوي سره ولاړ دي، كشميريان نن هم د كال 1947م پشان د آزادې هڅو لپاره پوخ عزم لري. د زيارت په ورځ د پارلمان په شريكه غونډه كښې د دفاع وزير خواجه محمد آصف ووئيل سېنېټ د ياسين ملك سزا په ضد قرارداد منظور كړے، په قومي اسمبلۍ، سېنېټ او د پارلمان په شريكه غونډه كښې قرارداد منظورولې شي. مونږ د ياسين ملك په سزا د هغه كورنۍ سره د يووالي څرګندونه كوو. مونږ كشميري اولس سره ولاړ يو، كشمير شه رګ دے. ده ووئيل د پاكستان حكومتونو، قام او سياستدانانو ته به داسې لاره خپلول وي چې د پولې بلې غاړې كشميريان باور ولري چې د پاكستان وروڼه دوي سره ولاړ دي. ده ووئيل هند په كشمير كښې ظلمونه كوي او دا د نسل كشۍ په شان خبره ده. ده ووئيل په يوكرېن ټوله مهذبه نړۍ خبره كوي خو په كشمير، فلسطين او اسلامي هېوادونو خاموشه وي، دا د پرمختلليو هېوادونو دوه مخېزه پاليسي ده.
ټول پاكستانے قام د كشميري حريت لارښود ياسين ملك او د هغه كورنۍ سره ولاړ دے. د دفاع وزير خواجه محمد آصف د پارلمان شريكه غونډه كښې څرګندونې
مضمون کا ماخذ : آن لائن لاٹری پاکستان
متعلقہ مضامین
