اسلام آباد۔10جنوری (اے پی پی) د روغتيا قامي ادارې (اېن آئی اېچ) وئيلي دي چې په ګرد هېواد كښې د تېرو 24 ساعتو په مهال د كورونا وائرس 7 كېسونه رامخې ته شوي دي۔ د نهې په ورځ د اېن آئي اېچ لخوا د جاري شويو شمېرو له مخې په ګرد هېواد كښې د تېرو 24 ساعتو په مهال د كورونا وائرس 2 زره 472 ټېسټونه وكړې شول په كومو كښې چې د 7 كسانو ټېسټونه مثبت راغلي دي چې ورسره د كورونا كېسونو مثبت شرح 0.28 فیصده پاتې شوه۔ بلخوا په دې مهال د كورونا د لاسه بل كوم رنځور په حق نه دے رسېدلے بياهم 17رنځورانو حالت اندېښمن ښودلے شوے دے۔ د هېواد په نورو برخو كښې د تېرو 24 ساعتو په مهال په پېښور كښې 151 ټېسټونو كښې د 3 ټېسټونو په مثبت راتللو مثبت شرح 1.99 او لاهور كښې په 384 كښې د 3 په مثبت راتللو مثبت شرح 0.78 فیصده پاتې شوه۔
مضمون کا ماخذ : کمپیوٹر لاٹری آن لائن
