بیجنگ۔26ستمبر(اے پی پی) تاجکستان دے وزیر ٹرانسپورٹ عظیم ابراہیم اتے وفاقی وزیر مواصلات عبدالعلیم خان دی ملاقات تھئی تے چین افغانستان، تاجکستان اتے پاکستان وچال چار ملکی ٹرانزٹ روٹ دے معاہد?? تے غور کیتا ڳئے ۔ وزارت مواصلات دے شعبہ تعلقات عامہ توں جاری بیان موجب چین اچ گلوبل ٹرانسپورٹ فورم اچ ݙوہیں ملکاں دے وزرا سائیڈ لائن اجلاس دا وی انعقاد کیتے۔ ملاقات اچ چین افغانستان ، تاجکستان اتے پاکستان وچال چار ملکی ٹرانزٹ روٹ دے معاہد?? تے غور کیتا ڳئے ۔ وفاقی وزیر مواصلات ݙسائے جو پاکستان جوائنٹ منسٹریل کمیٹی اتے جوائنٹ ورکنگ گروپ دے اجلاس سانڳے تیار اے ۔ عبدالعلیم خان آکھیے تاجکستان دے اڄوکے دارے دے مثبت اثرات سامݨے آئن تے ڈائریکٹ فلائٹ دا آغاز تھی ڳئے – وفاقی وزیر آکھیے وس?? ایشیائی ملکاں توں ݙو پاس?? تے سانجھی تجارت ودھاوݨ چاہندوں ، پاکستان توں تاجکستان سانڳے چین دے رستے بلاواسطہ تجارت?? راہداری زیر غور اے۔ انھاں تجویزݙتی جو تجارتی گاݙیاں چین توں خنجراب، کاشغر، مرغاب توں تاجکستان ونڄ سڳدن ۔وفاقی وزیر مواصلات تاجکستان دے وزیر ٹرانسپورٹ نال این ایل سی دے ٹرالیں دے مسئلیں تے ڳالھ مہاڑ کیتی تے آکھیے جو چین اچ جاری گلوبل فورم شریک ملکاں سانڳے سود مند ثابت تھیسی۔ تاجکستان دے وزیر ٹرانسپورٹ عظیم ابراہیم پاکستانی عوام سانڳے خیر سگالی دے جذبے دی ڳالھ کیتی تے پاکستان توں سرمایہ کاری و کاروبار ودھاوݨ اچ گھاٹی دلچسپی دا وی اظہارِ کیتے- عظیم ابراہیم ڳالھ مہاڑ اچ آکھیے گزریل مئی اچ عبدالعلیم خان دی سربراہی اچ جوائنٹ منسٹریل کمیٹی دا اجلاس مفید رہیا۔ تاجکستان دے وزیر اتے پاکستان دے وزیر مواصلات وچال ٹریفک اینڈ ٹرانزٹ ایگریمنٹ تے ڳالھ مہاڑ کریندے آکھیے ملاقات اچ ݙوہیں وزرا ءدا مستقبل اچ سانجھے تعاون اتے مشترکہ سرگرمیاں دے ودھار?? تے اتفاق رائے کیتے ۔وفاقی وزیر مواصلات عبدالعلیم خان تے عظیم ابراہیم ھک ݙوجھے سانڳے نیک خواہشات دا اظہار کیت?? تے آکھیے جو سانجھے معاہدیں تے پیشرفت جاری رہسی ݙوہیں وزرا ء وفد دے رلے خوشگوار اجلاس اچ مختلف معاہدیں سانڳے ورکنگ گروپ بݨاوݨ تے ٻئیاں تجویزاں تے وی ڳالھ مہاڑ کیتی
