اسلام آباد 27 جون (اے پي پي) وزيراعظم عمران خان وئيلي دي چې روشن ډېجيټل اكاٶنټ نور سنګ ميل غبور كړي، جمع كړې شوې رقم د يو نيم اربه ډالرو نه زيات شوے. د اتوار په ورځ په ټويټر په خپل يو ټويټ كښې ده ووئيل چې د سټېټ بانك لخوا زېرے دے چې روشن ډېجيټل اكاٶنټ لا سنګ ميل غبور كړي دي، د جمعې په ورځ په روشن ډېجيټل اكاٶنټ كښې رقم د يو نيم اربه ډالرو نه زيات شوے او په نوي پاكستان سرټېفيكېټس كښې سرمايه كاري د يو ارب ډالرو نه زياته شوې. وزيراعظم ووئيل چې اكاٶنټس او ډيپازټس دوه مياشتې وړاندې د يو ارب ډالرو د ايونټ نه پس نوے ريكارډ جوړ كړے. وزيراعظم په خپل ټويټ كښې په روشن ډېجيټل اكاٶنټ كښې د جمع شوي رقم مياشتني تفصيلات هم شريك كړل چې له مخې ئې په روشن ډېجيټل اكاٶنټ كښې په ستمبر كال 2020م كښې 6 مليونه ډالر جمع شوي كوم چې په اكتوبر كښې 42 مليونه، په نومبر كښې 110 مليونه، په دسمبر كښې 250 مليونه، په جنورې كال 2021م كښې 418 مليونه، په فرورې كښې 594 مليونه، په مارچ كښې 806 مليونه،، په اپرېل كښې 1055 مليونه ډالر ، په مئي كښې 1261 مليونه ډالر او د جون تر 25مه نېټه 1503 مليونه ډالرو ته رسېدلي دي.
روشن ډېجيټل اكاٶنټ نور سنګ ميل غبور كړي، جمع كړې شوې رقم د يو نيم اربه ډالرو نه زيات شوے. وزيراعظم عمران خان
مضمون کا ماخذ : bolão quina
متعلقہ مضامین
