اسلام آباد۔20اکتوبر(اے پی پی) وزیر قانون و انصاف اعظم نذیر تارڑآکھیے وفاقی ک??بینہ 26 ویں آئینی ترمیم دے مسودے دی منظوری ݙے ݙتی اے ، ایں وچ چیف جس??س دی تقرری دا طریقہ کار واضح کیتا ڳئے ،چیف جس??س دی تقرری دا اختیار وزیراعظم استعمال نہ کریسن بلکہ انھاں آپݨا اے اختیار پارلیمان کوں ݙے ݙتے ، 12 رکنی کمیٹی ناں فائنل کر تے وزیراعظم کوں بھجویسی ،چیف جس??س ریٹائرمنٹ تئیں یا ترائے سال تئیں چیف جس??س رہ سڳسن، آئینی ترامیمی مسودے اچ جے یو آئی دیاں پنج تجویز کیتیاں ڳیاں ترامیم پہلے ہی موجود ہن ۔ او پارلیمنٹ ہائوس دے ٻاہروں وفاقی وزیر اطلاعات و نشریات عطاء اللہ تارڑ دے رلے میڈیا نال ڳالھ مہاڑ کریندے پئے ہن ۔ وزیر قانون اعظم نذیر تارڑݙسائے جو وفاقی ک??بینہ توں منظوری دے بعد 26ویں آئینی ترمیم پارلیمنٹ اچ پیش کرݨ ویندے پیوں ، اے اوہو مسودہ اے جیڑھا خصوصی پارلیمانی کمیٹی اتفاق رائے نال منظور کیتا ہئی ۔ پاکستان مسلم لیگ ن ، پی پی پی ، استحکام پاکستان پارٹی ، عوامی نیشنل پارٹی، ایم کیو ایم ?? مسلم لیگ ن ضیاء ، بلوچستان عوامی پارٹی اتے نیشنل پارٹی سودھے ٻیان اتحادی جماعتاں مختلف اوقات اچ خصوصی پارلیمانی کمیٹی دے اجلاس اچ اتفاق رائے کیتے ۔ چیئرمین پیپلز پارٹی بلاول بھٹو دیاں کوششاں ہن ، انھاں نہ صرف اتحادی جماعتاں بلکہ جے یو آئی سودھے ساری اپوزیشن جماعتاں نال ڳالھ مہاڑ کیتی ، انھاں آکھیے لاہور ، کراچی اچ مولانا فضل الرحمان دی قانونی ٹیم نال تفصیلی ڳالھ مہاڑ تھئی ہئی ایں وچ وسیع اتفاق رائے تھئے، ایندے بعد اتحادی جماعتاں کوں اعتماد اچ ڳھدے ، جے یو آئی پاکستان جیڑھیاں پنج ترمیم ??جویز کیتیاں ہن او پہلے ہی مسودے اچ شامل ہن ۔ ایں وچ اسلامی نظریاتی کونسل دی رپوٹس ، شریعت کورٹ دے سود دے حوالے نال فیصلے اتے ٻئے امور ہن ، جے فلور تے جے یو آئی گھن آسی تاں ایں تے غور کیتا ویسی ، آئینی بنچاں دے حوالے نال سپریم کورٹ دی سطح تے اتے صوبیں اچ میکنزم واضح کرݙتا ڳئے ، صوبیں اچ آئینی بنچاں دی لاجسٹک تیاری ضروری اے ،صوبیں دی اسمبلیاں مجموعی ممبران دے 51 فیصد نال قرادار منظور کرے تاں اتھاں صوبائی آئینی بنچ بݨ سڳسی ۔آئینی بنچاں دی تشکیل دا اختیار چیف جس??س دی سربراہی اچ جوڈیشل کمیشن کنے ہوسی ۔ججز دی تقرری اتے کنفرمیشن 18 ویں ترامیم ??ے بعدجوڈیشل کمیشن کریندے ، جوڈیشل کمیشن دی نویں شکل اے ہے جو چیف جس??س سپریم کورٹ ،چار سینئر ججز سپریم کوٹ، چار پارلیمنٹرین ، وزیر قانون اتے اٹارنی جنرل ایندا حصہ ہوسن ، صوبائی جوڈیشل کمیشن اچ کوئی تبدیلی نی گھن آئی ڳئی۔ ججز دی ک??رکردگی ،صوبے دے چیف جس??س ،سینئر جج ، صوبائی وزیر قانون بدستور حصہ رہسن ،کارکردگی دی تشخیص وی شامل کرݙتی ڳئی اے ۔جوڈیشل کمیشن کوں اختیار ہوسی او رولز بݨا تے ھک طریقہ کار واضح کرن ۔ جوڈیشل کمیشن چیف جس??س اتے صوبائی ہائیکورٹ دے چیف جس??س نال رل تے ججز دی ک??رکردگی دا جائزہ گھن سڳسن ۔ وزیر قانون اعظم نذیر تارڑآکھیے کمیشن ججز دی پیشہ وارانہ استعداد بارے اپݨی رپورٹ ݙیسی ، قومی اسمبلی تے صوبائی اسمبلی اچ پنج پنج ٹینکیکل ایڈوائزز آئین دے تحت لا سڳدوں ۔چیف جس??س دی تقرری ایں پیکیج دا حصہ اے ،چیف جس??س سانڳے ترائے سینئر ججز دے ناں ویسن انھاں اچوں چیف جس??س تعینات کیتا ویسی ۔ اے اختیار وزیراعظم استعمال نہ کریسن بلکہ انھاں آپݨا اختیار پارلیمان کوں ݙے ݙتے ، 12 رکنی کمیٹی جیں اچ 8 ایم ??ین اے 4 سینیٹر ہوسن ناں فائنل کرتے وزیراعظم کوں بھجویسی انھاں آکھیے چیف جس??س دی مدت ریٹائرڈ منٹ تئیں یا ترائے سال مقرر کیتی ڳئی اے ، اساں چھی مہینے ٻہوں محنت کیتی اے ، 100 ترامیم ??ے مشتمل ٹرائل اچ دیر،ایف آئی آر، ضمانت ، اخراج ،ماہرین دیاں رپورٹاں سودھے 150 سال توں رکی ہوئی چیزاں کوں چنڳاں بݨاوݨ دی کوشش کیتی اے ،اے مسودہ آوݨ آلے ݙینھاں اچ پارلیمان اچ پیش کیتی ویسی۔
