د جون تر 30 نېټې به لوډشېډنګ دوه ساعته كړے شي٬د وفاقي وزيرانو او سركاري اهلكارو د پیټروليم كوټه 40 فيصده كمه كړې شوه ٬په سركاري محكمو كښې به د ګاډو په اخستو بندېز وي٬د خالي ورځې رخصتي بحال كړې شوه۔د اطلاعات او خپرونو وفاقي وزيرې مريم اورنګزېب پرېس كنفرنس

APP67-070622 ISLAMABAD: June 07 A Federal Minister for Information and Broadcasting Marriyum Aurangzeb, Federal Minister for Communication Molana Asad Mahmood, Federal Minister for IT Amin Ul Haq and Advisor to PM on Kashmir Affairs Qamer Zaman Kaira briefing the media person about the decision taken in Federal Cabinet meeting. APP

اسلام آباد 07 جون (اے پي پي)د اطلاعات او خپرونو وفاقي وزيرې مريم اورنګزېب وئېلي دي وفاقي حكومت د توان په بحران قابو موندلو لپاره د كفايت شعارۍ په كمپائن عملدرآمد پېل كړے٬ د جون تر 30مه نېټې به د لوډشېډنګ دورانيه دوه ساعت كړی شي٬د تجديد وړ توان پروژو ته به پام كولې شي٬د مسلم ليګ(ن)حكومت تر كال 2018 څوارلس زره مېګاواټ برېښنا په سسټم كښې شامل كړې٬د دې برعكس د تحريك انصاف په حكومت كښې د برښنا پروژې د ځنډ ښكار شوي٬د وفاقي وزيرانو او سركاري اهلكارو د پیټروليم كوټه كښې 40 فيصده كمے وكړے شو٬په سركاري محكمو كښې به د ګاډو په اخستو٬ د وزيرانو او سركاري افسرانو د بهر هېوادونو په دورو او د سركاري افسرانو د بهر هېوادونو څخه په علاج به بندېز وي٬كابينې د خالي ورځې رخصتي بحال كړې او د سركاري غونډو زياتره د ورچوئل كولو پريكړه ئې كړې۔د دې خيالاتو څرګندونه دې د نهې په ورځ د وفاقي كابينې غونډې نه پس مېډيا ته د بريفنګ وركولو په مهال كړې۔په دې موقع وفاقي وزيران مولانا اسعد محمود٬امين الحق او د كشمير او ګلګت بلتستان چارو صلاحكار قمرزمان كائره هم موجود وو۔د اطلاعات او خپرونو وفاقي وزيرې مريم اورنګزېب ووئيل د توان وزارت وفاقي كابينې ته په هېواد كښې د برېښنا په بحران بريفنګ وركړے ٬كابينې د تېرو څلورو كلونو په مهال د برېښنا پېداوار٬طلب او رسد او د موسمياتي بدلونونو جاج اخستے ۔دې ووئيل دا مهال د برېښنا طلب 28400 مېګاواټ دے٬ 2700 مېګاواټ برېښنا لاسز لرونكو فيډرز ته ځي ٬د لاسز لرونكو فيډرز ويستلو سره 25600 مېګاواټ د برېښنا طلب او سپلائي 21000 مېګاواټ ده چې پكښې 4600 مېګاواټ فرق دے۔دې ووئيل د غېر معمولي هيټ ويو صورتحال هم رامخې ته دے د كوم مخ نيوي لپاره چې هڅې روانې دي۔دې ووئيل كابينې په صورتحال قابو موندلو لپاره عملي پريكړې كړي دغسې چې د سپلائي او ډيمانډ فرق ختم شي۔د اطلاعات او خپرونو وفاقي وزيرې مريم اورنګزېب ووئيل د مسلم ليګ(ن)حكومت په كال 2018 كښې 14 زره مېګاواټ اضافي برېښنا سسټم كښې شاملولو سره په لوډشېډنګ قابو موندلے ؤ ۔دې ووئيل د وخت سره سره د برېښنا په طلب كښې اضافه كېږي او د دې له مخې د برېښنا په سسټم كښې اچول ضروري عمل دے٬د موسمياتي بدلون په سبب هم د برېښنا په طلب او لګښت فرق پريوځي۔دې ووئيل په كال 2018 كښې د طلب له مخې د برېښنا بندوبست نه دے شوے ٬د دې نه علاوه هغه منصوبې هم ځنډولې شوي كومو ته چې راتلونكو دريو څلورو كلونو كښې آپرېشنل كېدو سره د طلب بندوبست پوره كول وو خو تېر حكومت په دې پروژو هېڅ كار نه دے كړے او د دې په وجه د برېښنا بحران راپېدا شوے۔دې ووئيل وزيراعظم د لوډشېډنګ مسئلې ختمولو لپاره بېړني اقدامات كړي۔د اطلاعات او خپرونو وفاقي وزيرې ووئيل د جون د 6مې نېټې څخه تر 15مې به درې نيم ساعته لوډشېډنګ كېږي٬د 16 نه تر 24 جون به د ساهيوال د كول بيسډ پروژې څخه 600 مېګاواټ برېښنا په نظام كښې شامله شي او د د دې نه پس به د لوډشېډنګ دورانيه درې ساعته پاتې شي۔دې ووئيل د 25 جون نه تر 29 جون به د كراچۍ د كے ټو پروژې څخه 1040 مېګاواټ برېښنا په نظام كښې شامله شي۔د دغې نه پس به سپلائي 22840 مېګاواټ ته ورسي او د لوډشېډنګ دورانيه به دوه نيم ساعته پاتې شي دغسې تر 30م جون به د پورټ قاسم كول بيسډ پلانټ څخه 600 مېګاواټ برېښنا په نظام كښې شامله شي او او د غې نه پس به د برېښنا د لوډشېډنګ دورانيه دوه ساعته شي۔دې ووئيل په نورو اضافي پروژو په بېړني توكه كار پېل شوے۔كابينې پريكړه كړې چې تاخير سره مخ پروژې به ترسره كولې شي۔دې ووئيل كابينې د تجديد وړ توان په پروژو هم غور كړے٬كابينې د كنزروېشن پلان منظوري وركړي چې له مخې يې د كابينې د غړو او د سركاري اهلكارو د فيول په مد كښې د كوټې تر 40 فيصده د كمولو منظوري وركړې شوې۔كابينې ته د 33 فيصد كمولو تجويز راغلے ؤ خو وزيراعظم او كابينې د كوټې تر 40 فيصده د كمولو منظوري وركړې۔ د اطلاعات وزيرې ووئيل په بحران قابو موندلو لپاره كابينې د خالي د ورځې رخصتي بحال كړې٬ دې پريكړې سره به د كال 386 ملين ډالروه بچت شي۔دې ووئيل د توان وزارت تجويز وركړے چې د جمعې په ورځ ورك فرام هوم كړے شي٬د كووېډ په مهال هم دا صورتحال ؤ ٬په دې لړ كښې وزيراعظم يوه كمېټي تشكيل كړی كومه به چې په انتظامي چارو غور كوي او خپل رپورټ به كابينې ته وړاندې كوي۔

مضمون کا ماخذ : آزاد کشمیر لاٹری