اسلام آباد 13 مئي (اے پي پي) د قومي اسمبلۍ سپيكر اسد قېصر او ډپټي سپيكر قاسم خان سوري د وړوكي اختر په موقع ټول قوم ته مباركي وركړې. د وړوكي اختر په موقع په خپل پېغام كښې دوي ووئيل چې د اختر لمانځلو په مهال دې د كورونا د اېس او پيز خيال وساتلې شي. د قومي اسمبلۍ سپيكر ووئيل چې وړوكې اختر د الله تعالٰی د مننې كولو موقع راكوي كوم چې مونږ ته د روژې په مياشت كښې د روژې نيولو، عبادات كولو او د ضرورت مندو د مرستې كولو توفيق راكړو. ده ووئيل چې د وړوكي اختر ورځ مونږ لپاره د خوشحالې موقع وي. د اختر رښتينې خوشحالي هغه وخت ترلاسه كېږي كله چې مونږ په خوا او شا كښې د غريب وروڼو خوئېندو خيال وساتو. ده ووئيل چې د يوې قوي اسلامي فلاحي ټولنې تشكيل لپاره د معاشرتي ناانصافې د خاتمې، همغږۍ او ورورولې ته د ودې وركولو ضرورت دے. ده ووئيل چې د اختر په موقع خپلو كشمير او فلسطيني وروڼو خوئېدو سره د يووالي څرګندونه كوو. د كشمير او فلسطين په مظلوم مسلمانانو كېدونكي ظلمونه د افسوس او غندنې وړ دي. د قومي اسمبلۍ ډپټي سپيكر قاسم خان سوري ووئيل چې وړوكې اختر مونږ ته محبت او ورورولې ته د ودې وركولو موقع راكوي. بايد د اختر په موقع ضرورت مند او غريبان هېر نه كړے شي. ده اولس ته خواست وكړو چې په دې ورځ دې احتياط نه پرېږدي چې دغسې د كورونا د اثراتو څخه بچ پاتې شي.
د قومي اسمبلۍ سپيكر او ډپټي سپيكر د وړوكي اختر په موقع ټول قوم ته مباركي وركړه
مضمون کا ماخذ : números sorteados lotomania
متعلقہ مضامین
