اسلام آباد۔3 جنوری(اے پی پی) صدر مملکت ډاکټرعارف علوی د وفاقي اردو پوهنتون لخوا د طالب علم د ټرانسكرپټ او ډګرۍ په ايسارولو د ناراضګۍ څرګندونه كولو سره په 15 ورځو كښې د دې د جاري كولو امر كړې دې۔ ده د وفاقی محتسب د پرېكړې په ضد د پاكستان بېت المال خواست مسترد كړو۔ د نهې په ورځ د ايوان صدر پرېس ونګ لخوا د جاري شوي بيان له مخې صدر مملكت ډاكټر عارف علوي د وفاقی اردو پوهنتون لخوا د طالب د ډګرۍ او ټرانسكرپت په ايسارولو د ناراضګۍ څرګندونه وكړه۔ ده پوهنتون ته په 15 ورځې كښې د ډګرۍ جاري كولو امر وكړو۔ صدر مملكت پاكستان بېت المال ته د ځپلي طالب علم د شكايت لرې كولو هدايت هم وكړو۔ صدر مملكت ووئيل پوهنتون ته دا معلومه وه چې طالب علم د احساس سكالرشپ پروګرام لاندې زده كړې ترلاسه كولې۔ طالب علم عباد الرحمان د بی بی اے ډګرۍ او ټرانسکرپټ اجرا لپاره وفاقي محتسب ته اپيل كړې وو۔ پوهنتون د 122,500 روپو بقايا جاتو نه ادا كولو له كبله ډګري ايساره كړې وه۔ وفاقی محتسب د طالب علم په حق كښې پرېكړه كولو سره بېت المال ته د معاملې د حل كولو امر كړې وو۔ بېت المال د پرېكړې په ضد صدر مملكت ته خواست كړې وو كوم چې صدر مسترد كړو۔
د صدر مملكت وفاقي اردو پوهنتون ته د طالب علم ټرانسكرپټ او ډګرۍ په 15 ورځو كښې د جاري كولو امر
مضمون کا ماخذ : کمپیوٹر لاٹری کی پیشن گوئی
متعلقہ مضامین
