اسلام آباد۔ یکم دسمبر(اے پی پی)صدر مملکت ڈاکٹر عارف علوی صحا??یا?? دے تحفظ اتے آزادانہ صحافت دی ترقی سانڳے جرنلسٹس اینڈ میڈیا پروفیشنلز پروٹیکشن ایکٹ 2021 تے دستخط کر ݙتن۔ دستخط دی تقریب ایوان صدر اچ تھئی ۔ تقریب اچ وفاقی وزیر اطلاعات و نش??یات چوہدری فواد حسین، وفاقی وزیر انسانی حقوق ڈاکٹر شیریں مزاری، وزیر مملکت اطلاعات و نش??یات فرخ حبیب، وزیراعظم دے معاون خصوصی سیاسی ابلاغ ڈاکٹر شہباز گل، وزارت اطلاعات ونشریات اتے ایندے ذیلی اداریاں دے افسران و ملازمین، صحافتی تنظیماں دے عہدیداران اتے صحا??یا?? وݙی تعداد اچ شرکت کیتی۔ قومی اسمبلی 8 نومبر 2021 اتے سینیٹ 19 نومبر 2021 کوں صحا??یا?? اتے میڈیا پروفیشنلز دے تحفظ (ایکٹ ) بل 2021 دی منظوری ݙتی ہئی۔ ایکٹ دے تحت صحا??یا?? اتے میڈیا پروفیشنلز کوں حق رازداری مل ڳئے۔ صحا??یا?? کوں پیشہ ورانہ ذمہ داریاں دی آزادانہ اتے غیر جانبدارانہ انجام دہی اتے آزادی اظہار رائے دا حق ملیے۔ انہاں کوں نجی زندگی، گھر اتے ذاتی خط و کتابت ( بشمول الیکٹران?? گفت و شنید) دی پرائیویسی، اپݨی خبر دے ذرائع لکاوݨ دا حق، کہیں وی فرد یا ادارے ولوں جبر، تشدد، خوف و ہراس، دھونس، دھمکی اتے جبری گمشدگی دے خلاف تحفظ مل ڳئے۔ بل دے تحت انسداد دہشت گردی اتے قومی سلامتی دے قوانین دی میڈیا پروفیشنلز دی پیشہ ورانہ سرگرمیاں کوں روکݨ دے خلاف ناحق استعمال روکیا ویسی۔ میڈیا مالکان صحا??یا?? اتے میڈیا پروفیشنلز کوں مقررہ معیارات دے تحت لائف اینڈ ہیلتھ انشورنس ݙیسن۔ میڈیا مالکان صحا??یا?? کوں ویلھے تے تنخواہ ݙیوݨ دے وی پابند ہوسن۔ صحافیوں اتے میڈیا پروفیشنلز دے تحفظ، شکایات دی آزادانہ تفتیش اتے فوری ازالہ کیتے آزاد کمیشن ٻݨایا ویسی۔ کمیشن اچ پاکستان بار کونسل، پی ایف یو جے، نیشنل پریس کلب، پی آر اے، وزرات انسانی حقوق ، وزارت اطلاعات و نش??یات دے نمائندے شامل ہوسن۔ وفاقی حکومت کمیشن دے چیئرپرسن دا ݙو سال کیتے تقرر کریسی، کمیشن اچ ڳھ??و ڳھٹ 3 تریمتیں ارکان شامل ہوسن۔ بل دے تحت آئین دے آرٹیکل 9 دے مطابق صحا??یا?? اتے میڈیا پروفیشنلز دی زندگی اتے سکیورٹی دا حق ݙتا ویسی۔ کوئی شخص، ادارہ کہیں صحافی اتے میڈیا پرو فیشنلز دے حق زندگی اتے حفاظت دی خلاف ورزی نہ کر سڳسی۔ حکومت صحا??یا?? اتے میڈیا پروفیشنلز دی جبری یا رضا کارانہ گمشدگی، اغوا دے خلاف تحفظ ݙیسی۔ اے حق اظہار رائے رائج قوانین دے مطابق ہوسی۔ بل دے تحت قومیت، نسلی، مذہبی منافرت کوں ہوا ݙیوݨ آلے اتے امتیاز، دہشت یا تشدد کوں بھڑکاوݨ آلے مواد تے پابندی ہوسی۔ نسلی،لسانی، ثقافتی یا صنفی نفرت کھنݙاوݨ آلے مواد دی تخلیق تے پابندی ہوسی۔ بل دے تحت صحا??یا?? اتے میڈیا پروفیشنلز کیتے اے لازمی ہوسی جو اشاعتی مواد غلط یا کوڑ نہ ہوسی نتاں مقدمہ چلسی، تشدد یا دھمکاوݨ دی صورت اچ ادارے یا کارکن دے خلاف 14 ݙینھ اچ کمیشن کوں شکایت درج کرا سڳسن جیندے تے قانونی کارروائی کیتی ویسی۔
صدر مملکت ڈاکٹر عارف علوی پروٹیکشن آف جرنلسٹس اینڈ میڈیا پروفیشنلز ایکٹ 2021 تے دستخط کرݙتن
مضمون کا ماخذ : موبائل سے لاٹری کھیلیں
متعلقہ مضامین
